من صبح اعلى السير عازم

لاهل الغدرواهل النمايم

آمر على اشبول الهواشم

تشد المحامل عالنعايم

اوصد العضيده ابگلب هايم

ناداه يا بحر المچارم

خل تطلع اوياك الفواطم

لفه زينب العباس باسم

گاللها گومي الظعن والم

وعالسير اخوي اليوم جازم

نادته او دمع العين ساچم

وياك اگومن وانته غانم

لاچن يخويه ابحالي عالم

ما حمل مذله اولا هضايم

وشوف الگدر بالظعن حايم

ما ندري بالكوفه اشنوالم

لمن سمع جرد الصارم

تخافين گلها وآنه سالم

صاحت يوالي الحرم دايم

طلعت اوياها الكرايم

ركبت او حفتها الضياغم

عون او علي او جعفر او جاسم

وحسينها على الخيل جادم

وخوته اليحلون اللوازم

جدامها امنشره العمايم

او عباس للهودج املازم

خايف تصد لخته الوادم

چوين عنها چان نايم

من صبحت بالطف غنايم

مابين من ضارب او شاتم

آنه امشيت درب المامشيته

او چتّال اخيي رافگيته

من جلت الوالي نخيته

شتم والدي وانكر وصيته