بعدهي وين البيه حميه اوبيه غيره
ايشوف المفرّد الماله عشيره
اسمعت گالوا وقع وسط الحفيره
انچتل يومات مدري وين ماوين
بعدهي اتناشد اليرحون ويجون
اوان الناس بالشارع يركضون
انچتل مسلم الكل منهم يصرخون
اصرخت من سمعت او لطمت الخدين
اصرخت نوب اتطيح اونوب اتگوم
شبه حوم الحمامه ضلت اتحوم
شافت ضيفها سابح بالادموم
امچتف بالحبل وايدير بالعين
امچتف بالحبل ويدير عينه
يمين ايسار ما واحد يعينه
اولعد قصر الإماره ماخذينه
اوعليه الخلق متكردسه الصوبين
مسلم يخاطب الحسين عليهالسلام :
صعدوا بمسلم والدمع يجري من العين
اوجّه اوجهه للحجاز ايخاطب احسين
يحسين انا مچتول ردوا لاتجوني
خانوا اهل كوفه عقب ما بايعوني
او للفاجر ابن ازياد كلهم سلموني
مفرد ونتوا يا هلي عني بعيدين
ياليت هالدم الذي يجري على الگاع
مسفوح بين ايديك يا مكسور الضلاع
يحسين منك ما احتضيت ابساعة اوداع
بيني او بينك يا حبيبي فرّق البين