منتنوة احسين وامر بالرحيل

نوخت بلها ابمحاملها تشيل

ناخت اعلى الباب وانوت للمسير

والمحامل بيهن الواصف يحير

امزينه ابسنسد او ديباج او حرير

ملك والزيه شبه زي الخليل

ملك والزيه المثل بيه انضرب

نجل عبد المطلب سيد العرب

جدموا هودج البرده امن الذهب

ايهبه الواصف بالوصف ماله مثيل

اخذ بزمامه او جدم بيه البطل

عنى اتنحوا على الموقف هضل

نوخ الهودج على الباب اوعگل

خاف زينب تختشي الحره او تخيل

عباس منته الي حبتني

او بيدك يخويه ركبتني

دگعد يخويه او شوف متني

ترى اسياط زجر ورمتني

الدهر ثدي المصايب مرظعنه

على اچتول الرهاين مر ظعنه

شگول ابحق چفيلي مر ظعنه

اخوي اوياه ظل اعتابه اليه

مصايب عن جميع امصاب چفين

وين الغسل او لحسين چفين

اله چفين للعباس چفين

عسه من دونهن مقطوعه ايديه